წყლით მკურნალობა ჯანმრთელობა და მედიცინა

წყლით მკურნალობა (ბალნეოთერაპია).

უხსოვარი დროიდან ცნობილია და არსებობს ბალნეოთერაპია - მკურნალობა წყლით. ჯერ კიდევ ძველი ბერძნები აღნიშნავდნენ ზღვის აბაზანების სასიკეთო ზეგავლენას სზეულზე: კანი ხდება უფრო ნაზი და გლუვი, ქრება შეშუპებები, სხეული უფრო მკვრივი და დაჭიმული ჩანს. ამ ყველაფრის ”ავტორი” კი ზღვის მარილი და ის უამრავი ნივთიერებაა, რომელსაც ზღვის წყალი შეიცავს. დღესაც უდიდეს შედეგებს იძლევა ზღვის წყალი ნაღრძობ ან თუნდაც მოტეხილი ფეხის შეხორცებაზე, ასევე ნებისმიერ კანის დავადებაზე, ორგანიზმში არსებულ სიმსივნეზე, ჭარბ ოფლიანობაზე და რამდენადაც არ უნდა გაგიკვირდეთ ფსიქო-ემოციურ მდგომარეობაზე: ის კარგად ასუფთავებს ადამიანის ბიოველს უარყოფითი ენერგიისგან და, რაც მთავარია, კვებავს კანს დადებითი ენერგიით. სწორედ ეს არის ზღვის წყლის სამკურნალო საიდუმლოება.
რა ხდება როდესაც ზღვაში ეშვებით? თავიდან წნევა მაღლა იწევს, ხშირდება გულისცემა, სისხლი უფრო სწრაფად იწყებს მიმოქცევას. ეს შესანიშნავი ვარჯიშია გულსისხლძარღვთა სისტემისთვის. ხუთი წუთის შემდეგ სისხლძარღვები ფართოვდება, არტერიული წნევა დაბლა იწევს, გულის შეკუმშვა თანაბარი ხდება და დგება განტვირთვის პერიოდი. ჯანმრთელი ადამიანისთვის ასეთი ვარჯიში დასაშვებია, მაგრამ სუსტი ჯანმრთელობის მქონე ადამიანისთვის ეს რისკის მატარებელია. ამიტომ ზღვაში შესვლა უნდა მოხდეს ნელ-ნელა და, რაც მთავარია, ადამიანი უნდა იყოს ფხიზელ მდგომარეობაში, რათა ზემოთ ხსენებულმა პროცესმა უარყოფითად არ იმოქმედოს მასზე.
გარდა ზღვის წყლისა, ადამიანის ჯანმრთელობაზე ეფექტურად და გამაჯანსაღებლად მოქმედებს მდინარის წყალი, რომელიც სათავეს მთაში იღებს.
რატომ მთაში, ისმის კითხვა? იმიტომ, რომ მთის მდინარეები ხასიათდებიან განსაკუთრებული ენერგეტიკით და საოცარი ალპური ზონის მცენარეების ნაჟურით, რომლებიც სამკურნალო გავლენას ახდენენ ადამიანის ჯანმრთელობაზე. აგრეთვე, მდინარეში არსებული ქვები სამკურნალო მასაჟის როლს ასრულებენ.
აღსანიშნავია სადღეისოდ არსებული აბაზანები - ე.წ. ჯაკუზები, რომლებშიც ჩვეულებრივი წყლით მკურნალობენ. აქ აქცენტი წყლის ჭავლზეა გადატანილი. მისი ტემპერატურა შეთანხმებული უნდა იყოს პაციენტთან და მიმართული უნდა იყოს ცალკეულ ორგანოებზე. მაგალითად, ხერხემლის მკურნალობის დროს წყლის ჭავლი მიმართული უნდა იყოს მთლიანად ხერხემალზე - კისრის მალებიდან კუდუსუნის მალების ჩათვლით, მხოლოდ 5 წუთით, ტემპერატურა დაახლოებით უნდა იყოს 38 გრადუსი. სანაღვლე გზების მკურნალობა მიმდინარეობს სანაღვლე გზებზე წყლის ჭავლის მიშვებით 10 წუთით, ტემპერატურა დაახლოებით უნდა იყოს 38-39 გრადუსი და ასე შემდეგ.
იმისათვის, რომ ჯაკუზის მკურნალობა ხარისხიანი იყოს ამიტომ იგი უნდა გავავსოთ სხვადასხვა სურნელოვანი ყვავილებით და ფოთლებით, ხეების წიწვებით. ეს ყველაფერი დადებითად მოქმედებს ადამიანის ხერხემალზე, მთელ ნერვულ სისტემაზე და განწყობაზე. ეს არის რელაქსაციის (დასვენების) შეუდარებელი საშუალება.

სტატიის ავტორი: მაიკო ლომსაძე, სრული პროფესორი, დოქტორი

10.0 - 1 vote