ქვებით მკურნალობა (სტოუნთერაპია). ჯანმრთელობა და მედიცინა

ქვებით მკურნალობა - სტოუნთერაპია.

აღმოსავლეთში ადამიანი ორგანიზმის გამაჯანსაღებელად ითვლებოდა სტოუნთერაპია - მკურნალობა ქვებით; ეს მეთოდი საუკუნეებს ითვლის. იმ დროინდელ ექიმებს სწამდათ, რომ ქვებს გააჩნდათ ინდივიდუალური ხასიათი და ძლიერი ძალა. მათი რწმენით ქვა, რომელიც ცივი და უსულო გვეჩვენება, მოიცავს უზარმაზარ ინფორმაციას, მათ შორის სამკურნალოსაც. სტოუნთერაპია ებრძვის სტრეს, ხელს უწყობს ცხიმების წვას ორგანიზმში და აჩქარებს ორგანიზმში ნივთიერებათა ცვლას.
ქვებით მკურნალობის დროს ტიბეტში დიდ მნიშვნელობას ანიჭებდნენ ქვის ხარისხს და რაოდენობას; ისინი პაციენტს პირქვე ათავსებდნენ მოხერხებულ სასთუმალზე და ხერხემალზე ალაგებდნენ გარკვეული ტიპის - კერძოდ 54 ცხელ შავ და 18 ცივ თეთრ ქვას, რომლებსაც ერთმანეთს ანაცვლებდნენ. შავი ქვა იყო ვულკანური წარმოშობის - შავი ბაზალტი, ხოლო თეთრი ქვები კი კეთილშობილი და გრილი მარმარილოა.
სტოუნთერაპიის - ქვებით მკურნალობის დროს ძლიერდება სისხლის მოძრაობა პრობლემურ ზონებში, უჯრედები უფრო აქტიურად იწყენებენ მუშაობას, გამომყოფი ორგანოებიდან ორგანიზმი თავისუფლდება შლაკებისა და ტოქსინებისაგან.
სამკურნალო საშუალებებად იმდროინდელი ექიმები ქვების თვისებებით გაჯერებულ წყალს იყენებდნენ სამკურნალოდ. ასეთ სამკურნალო ქვად ითვლება კაჟი - ქვა. ის არამარტო ხოცავს დაავადების წარმომქმნელ ბაქტერიებს და აჩქარებს ორგანიზმში აღდგენით პროცესებს, არამედ ორგანიზმიდან გამოაქვს მძიმე მეტალები: თუთია, ტყვია, კადმიუმი. ძველთაგანვე კაჟს მეჭეჭების სამკურნალოდ იყენებდნენ. დღეს კი ბევრი მკურნალი მას შარდკენჭოვანი დაავადებების, დისბაqტერიოზის, ტროპიკული წყლულების, დამწვრობის და სხვადასხვა ანთებითი პროცესის სამკურნალოდ იყენებს.
ძირითადად გამოიყენება კაჟი - ქვის წყალი. იგი მზადდება შემდეგნაირად: საღამოს კაჟის ქვას ჩადებდნენ ჭიქაში დაასხავდნენ ცივ წყალს, გააჩერებდნენ მთელი ღამე, დილით გადაწურავდნენ და მიიღებდნენ უზმოზე.
კაჟი (ქვა) აღადგენს იმუნიტეტს, ამცირებს ქოლესტერინის რაოდენობას სისხლში, ამაგრებს სისხლძარღვებს, კარგი საშუალებაა უნაყოფობის დროს, აახალგაზრდავებს კანს, აქრობს ნაოჭებს, ამაგრებს ღვიძლს და ხელს უწყოფს თმის ზრდას. კაჟის წყალი ასევე გამოიყენება დასაბანად, კომპრესებისათვის და ასე შემდეგ.
გარდა ზემოთ ხსენებული ქვებისა, სამკურნალო გამაჯანსაღებლად ითვლება შემდეგი ძვ ირფასი თუ ნახევრად ძვირფასი ქვები: ამეთვისტო, ლაზურიტი, ძოწი, ალექსანდრიტი, ლალი, ალმასი, ბრილიანტი და სხვა. ისინი საკმაოდ მაღალი ენერგეტიკით ხასიათდებიან. მათ აქვთ თავიანთი სამკურნალო ენერგეტიკა, რომლითაც ირეკლავენ უარყოფით მუხტს ან შეიწოვენ მას, რითაც თავიანთ მფლობელს იცავენ ბოროტი ძალებისაგან. ეს პროცესი კი მათი ფერის ცვლილებაში აისახება.
მაგალითად ამეთვისტო გამჭვირვალი და ნახევრად გამჭვირვალე კვარცის ნაირსახეობაა, რომლის ფერი მერყეობს ღია იისფერიდან მუქ ლურჯამდე. ამეთვისტოს რეგულარულად ტარება ალკოჰოლიკებს ანთავისუფლებს ამ დაავადებისაგან. ის ადამიანს ანიჭებს კეთილგონიერებას და მხნეობას. ამეთვისტო ახალი მთვარიდან მე-3, მე-7 და მე-11 დღეებში ხელს უწყობს ენის ბორძიკის განკურნებას.
ეს ქვა უნდა ატარონ ქალებმა მარცხენა ხელზე ვერცხლის ბუდით, ხოლო მამაკაცებმა მარჯვენა ხელზე. ამეთვისტო ხელს უწყობს თვალების დაავადებებს, არეგულირებს ნივთიერებათა ცვლას და იცავს ორგანიზმს თირკმელების დაავადებებისაგან.
შემდეგი მინერალი ლურჯი ლაზურიტიაა. ის არის იისფერი, ლურჯი, მომწვანო-მონაცრისფერო ან ცისფერ-მონაცრისფერო. ლაზურიტი ხელს უწყობს ტვინის უჯრედების უკეთესად განვითარებას, ეხმარება მანდილოსნებს ფეხმძიმობის შენარჩუნებაში (ლაზურიტის ფხვნილი ზეითუნის ზეთთან ერთად), ძმართან განზავებული ზრდის წამწამებს. მას იყენებენ: რევმატიზმების, სისხლნაკლებობის, ასთმის, ანთების, დამწვრობის, კანის დაავადების დროს. იგი ტკივილების კარგი გამაყუჩებულია.
ზემოთ ხსენებულ მინერალებში ყველაზე სახიფათოა სატარებლად ბრილიანტი, რადგან მას აქვს ისეთი ენერგეტიკა, რომელიც ინახავს ყოველგვარ დაავადებებს, ამიტომ თუ დაავადებების დროს ატარებთ ამ ქვას, გამოჯამრთელების შემდეგ ქვა - ბრილიანტი უნდა შეიცვალოს ახლით. აქვე უნდა აღინიშნოს, რომ არამც და არამც არ შეიძლება სხვისი ნაქონი ბრილიანტის გამოყენება. სახიფათოა აგრეთვე შავი ლაქების მქონე ბრილიანტი, რადგან ის არის უარყოფითი ენერგიით გაჯერებული.
როგორც ალმასებში, ასევე ბრილიანტებში (ბრილიანტი არის დამუშევებული ალმასი) არსებობს ფერთა ნაირსახეობა: ყველაზე დადებითი ენერგეტიკით და სამკურნალო თვისებებით ხასიათდება ნათელი ფერის ბრილიანტი. თეთრი ბრილიანტი შეიძლება ყველამ ატაროს, თუმცა მას მიჩვევა სჭირდება. შეძენილი ქვა თითქმის 9 წელიწადი ეჩვევა პატრონს. ბრილიანტი მკურნალობს: სკლეროზს, იცავს ორგანიზმის ორგანოებს ქვების გაჩენისაგან, ასუფთავებს სახეს ლაქებისაგან, ამშვიდებს ძილს და ნერვულ სისტემას.
შემდეგი ქვა არის ძოწი, რომელსაც - იუპიტერი კვებავს და ადამიანებისათვის წარმატება მოაწვს. ეს ქვა არის სიმხნევის, სიხარულის, ბედნიერების მომტანი. ეს ქვა ადამიანის შინაგან მდგომარეობაზე რეაგირებს და მისი ფერის ინტენსიურობა მატულობს თუ ადამიანი ჯანმრთელია; ამავ დროულად ცოტა გასაფრთხილებელიც არის. მისი დიდხანს ტარება არ შეიძლება, რადგან იწვევს აღგზნებულობას. ამიტომ ქვამ დრო და დრო უნდა დაისვენოს. ძველად ძოწის ქვას იყენებდნენ სიყვითლის, ციებ-ცხელების, სასუნთქი სისტემის განსაკურნებლად.
არა ნაკლებ სამკურნალო გამაჯანსაღებელი თვისებებით ხასიათდება ალექსანდრიტი, ის დღის შუქზე მოცისფრო-მომწვანოა, ხოლო ხელოვნურ სინათლეზე - წითელი, იისფერ-წითელი. მისი ტარება ყველასთვის მისაღებია. ამ ქვის ტარების დროს ადამიანები ოპტიმისტები და ძლიერები ხდებიან.
ასევე ძლიერ ქვაა ლალი, ის ოდითგანვე მიჩნეული იყო მიწიერი სიყვარულის სიმბოლოდ. ეს ქვა პატრონს აჯილდოვებს ლომის ენერგიით, არწივის უშიშარი ხასიათით და გველის სიბრძნით. ლალი აძლიერებს ორგანიზმში სისხლის მიმოქცევას, ამაგრებს გულს, ახანგრძლივებს სიცოცხლეს, ხელს უწყობს მელანქოლიას და დეპრესიის აღმოფხვრას. ის დადებით შედეგებს იძლევა ჰიპოტონიის დროს, მაგრამ არ შეიძლება ჰიპერტონიის და სისხლძარღვების შევიწროვების დროს. ლალის წვის ფხვნილს იყენებენ თვალის დაავადების დროს.

სტატიის ავტორი: მაიკო ლომსაძე, სრული პროფესორი, დოქტორი

7.0 - 3 votes