მედიცინა ძველ ეგვიპტეში ჯანმრთელობა და მედიცინა

მედიცინა ძველ ეგვიპტეში

ძველ ეგვიპტეში განვითარებული სამედიცინო ტექნოლოგიე-ბის არსებობაზე მოწმობს პირამიდების შიდა კედლებზე, სარკო-ფაგებზე და სტელებზე არსებული წარწერები და ნახატები. ერთ-ერთ ნახატზე ასახულია ავადმყოფზე მიმდინარე ქირურგიული ოპერაცია. როგორც ისტორიული წყაროები მოწმობს, ეგვიპტელი მკურნალები თავის ქალაზე ტრეპანაციის ოპერაციებსაც აკეთებ-დნენ. ეგვიპტური მუმიების შესწავლამ დაადასტურა ძველი ეგ-ვიპტელების მაღალი სამედიცინო კულტურა. მუმიფიკაციისათვის ურთულესი ტექნოლოგიები გამოიყენებოდა. ძველ ეგვიპტელებს ღრმად სწამდათ იმქვეყნიური ცხოვრების და ცდილობდნენ დაეც-ვათ მიცვალებულის სხეული გახრწნისაგან, რისთვისაც მუმიფი-ცირების ტექნოლოგია შეიმუშავეს.
ჰეროდოტემ, რომელიც მოგზაურობდა ეგვიპტეში მოგვცა ყველაფერი ამის აღწერა. მისივე გადმოცემით ეგვიპტელები დიდ ყურადღებას აქცევდნენ ჰიგიენის წესების დაცვას. წყალს სვა-მედნენ მხოლოდ სპილენძის ჭურჭლიდან, რომელსაც ყოველდღე ხეხავდნენ, ატარებედნენ ტილოს ტანსაცმელს და დღენიადაგ ზრუნავედნენ მის სისუფთავეზე.

სამედიცინო ინსტრუმენტები ძველ ეგვიპტეში

ეგვიპტელები დაავადებების გავრცელების საბაბად არჯანსღ საკვებს მიიჩნევდნენ. ამიტომ შემუშავებული ჰქონდათ საკვების შენახვის და გადამუშავების განსაკუთრებული ტექნოლოგიები. ისინი დაავადების თავიდან ასაცილებლად თვეში ერთხელ სამი დღის განმავლობაში კუჭს ისუფთავებდნენ.
ავადმყოფის განსაკურნებლად ისინი მიმართავდნენ თავიანთ რელიგიურ ღვთაებას - ისიდას. ისიდა მაგიური მკურნალობის და ბავშვების მფარველად ითვლებოდა. ის დედობისა და ნაყოფიერე-ბის სიმბოლო იყო. გადმოცემით, მან შეძლო გველისაგან დაკბე-ნილი ბავშვის გაცოცხლება.

მხედველობის მკურნალობის ამსახველი ძველეგვიპტური სურათი

ხელ-ფეხის მოვლის პროცედურები

     ძველ ეგვიპტეში ფართოდ ყოფილა გავრცელებული კბილის ექიმის პროფესია, რასაც მოწმობს მუმიების გამოკვლევები, რომელთაც აღენიშნებოდათ ძვლისაზრდელას მძიმე ფორმის ანთებები, რაც იწვევდა ყბის ფორმების დეფორმაციას და კბილების დაცვენას. მათ სამკურნალოდ გამოიყენებდნენ სათანადო წესით დამზადებულ ხსნარებს და პასტებს, ამზადებდნენ კბილების პროთეზებს.
     ეგვიპტელი ქურუმები სამკურნალოდ იყენებნენ ენერგო-ინფორმაციულ მეთოდებსაც. ავადმყოფებს ისინი მოათავსებდნენ ტაძრების გარკვეულ ადგილებში, იქ სადაც მაღალი კოსმიური ენეგეტიკა გროვდებოდა (როგორც ჩვენს ეკლესიებში გუმბათის ქვეშ ტარდება კვეთის სამკურნალო ლოცვები), შემდეგ კი გარ-ვეულ მაგიურ რიტუალებს უტარებდნენ. ასეთი გზით ქურუმები წარმატებით მკურნალობდნენ ნერვულ-ფსიქიურ და ფსიქოსომატი-ურ დაავადებებს, შიშებს, და, რამდენადაც გასაკვირი არ უნდა იყოს დღევანდელი ადამიანისთვის, ქურდობისკენ მოდრეკილებასაც კი, ვინაიდან ისინი ამას დაავადებად განიხილავდნენ.
     ჩვენს დრომდე მოღწეული სამედიცინო შინაარსის ეგვიპტუ-რი პაპირუსი თარიღდება მე-18 საუკუნით ჩვენს ერამდე, მასში აღწერილია მშობიარობის მიღების რჩევები.

ქალღმერთი რითო მეანის დახმარებით შობს ღმერთ “რა”-ს

მოგვიანებით მცხოვრები ქურუმი მენეფონი ერთ-ერთ მის მიერ დაწერილ პაპირუსში ამბობს, რომ ჯერ კიდევ ატოტისმა (I დინასტიის მეფე – 29-28 საუკუნე ჩვენს ერამდე) შექმნა 10 სა-მედიცინო პაპირუსი, რომლებშიც თანამედროვე თვალთახედვით საკმაოდ განვითარებული სამედიცინო ცოდნა იყო გადმოცემული.

სტატიის ავტორი: მაიკო ლომსაძე, სრული პროფესორი, დოქტორი