მედიცინა შუამდინარეთში ჯანმრთელობა და მედიცინა

მედიცინა შუამდინარეთში

ასევე საინტერესო სამედიცინო ტექნოლოგიებით გამოირჩეოდა შუამდინარეთი - მესოპოტამია (შუმერები, ბაბილონი, ასურეთი). შუმერებიდან შემორჩენილია თიხის დაფა, რომელზეც წერია მრავალგვარი სამკურნალო რეცეპტები. მაგალითად, “მტკივნეული ადგილების გაუმტკივანება ხდება შემდეგი წესით (ტექნოლოგიით): თუ ამ ადგილს მობანთ ცხელი წყლით და შეაზელთ ლუდში არეულ კუს დაფქვილ ბაქანს.” ეს მაგალითი მოწმობს შუმერების მაღალ სამკურნალო დონეზე. ისინი ფართოდ იყენებდნენ მცენარეებს: მდოგვს, სოწს, ფიჭვს, ქლიავს, მსხალს, ტი-რიფს და სხვას. ასევე წამლების შემადგენლობაში შედიოდა ნავთობი, კუპრი, სუფრის მარილი, რძე, მატყლი, წყლის გველის ორგანოები.
ბაბილონში ავადმყოფის მკურნალად მიჩნევდნენ ქალღმერთ იშთარს, რომელსაც შეეძლო ყველა დაავადებების განკურნება. ბაბილონში სამკურნალო სიტყვა იყო “ის გამოჯანმრთელდება”.

ბაბილონური პიქტოგრამა აღწერს ბავშვის მკურნალობის სცენას

ძველი მესოპოტამიის არქეოლოგიური გათხრებიდან ვგებულობთ, რომ იმ დროს ადამიანის აგებულება კარგად არ იყო შესწავლილი, რადგან ისინი თავიანთი რელიგიის გამო გვამებს არ კვეთავდნენ და არ იცნობდნენ შინაგან ორგანოებს.
ასურეთში, არქეოლოგიური გათხრების შედეგად აღმოჩენილ წარწერებში ავადმყოფ ადამიანებზე ნათქვამია: “თუ ადამიანი ავადაა...”, რაც მთვრდებოდა სიტყვებით “ის გამოჯანმრთელდება”. ასეთ წინადადებებს მაგიური დატვირთვა ჰქონდა, შედეგად ავადმყოფი ადამიანები რწმენით იმსჭვალებოდნენ და ჯანმრთელდებოდნენ.

სტატიის ავტორი: მაიკო ლომსაძე, სრული პროფესორი, დოქტორი