გული ჯანმრთელობა და მედიცინა

გული

გული არის კუნთოვანი ორგანო, რომელიც სისხლს გადატუმბავს სისხლძარღვებში. გულსა და სისხლძარღვებს ერთად კარდიოვასკულარული ანუ გულსისხლძარღვთა სისტემა ეწოდება. გულს გარს აკრავს პერიკარდიუმის პარკი. იგი შედგება გარეთა მემბრანისგან (პერიკარდიუმისგან) და ღრუსაგან (პერიკარდიუმის ღრუ), რომელიც გარეთა მემბრანასა (პერიკარდიუმსა) და გულს შორისაა მოთავსებული. ამ ღრუში არის საამორტიზაციო სითხე (პერიკარდიული სითხე). გულს აქვს ოთხი საკანი: ორი წინაგული და ორი პარკუჭი. ყველა მათგანი ამოფენილია თხელი ქსოვილოვანი შრით, რომელსაც ეწოდება ენდოკარდიუმი.

წინაგულები - ეს არის ორი ზედა საკანი. მარცხენა წინაგული ფილტვებიდან, ფილტვების ვენებით იღებს ოქსიგენირებულ სისხლს (ჟანგბადით გამდიდრებულ სისხლს). მარჯვენა წინაგული სხეულის დანარჩენი ნაწილებიდან ზედა და ქვედა ღრუ ვენებით იღებს დეზოქსიგენირებულ (ჟანგბადით ღარიბ) სისხლს. ეს არის სისხლი, რომლის ჟანგბადიც უკვე გამოიყენეს უჯრედებმა და რომელშიც ჟანგბადს ნახშირორჟანგი ჩაენაცვლა.
პარკუჭები - ეს არის ორი ქვედა საკანი. მარცხენა პარკუჭი იღებს სისხლს მარცხენა წინაგულიდან და გადატუმბავს აორტაში. მარჯვენა პარკუჭი იღებს სისხლს მარჯვენა წინაგულიდან და ფილტვების ღეროს გავლით გადატუმბავს ფილტვებში.
აორტა - ეს არის ორგანიზმის ყველაზე დიდი არტერია. მას მარცხენა პარკუჭიდან გამოაქვს ჟანგბადით მდიდარი სისხლი, რომელიც შემდეგ მთელ სხეულს მოივლის.
ფილტვის ღერო არტერიაა, რომელსაც მარჯვენა პარკუჭიდან გამოაქვს ჟანგბადით ღარიბი სისხლი. გულიდან გამოსვლის შემდეგ იგი იყოფა მარჯვენა და მარცხენა ფილტვის არტერიად. თითოეული მათგანი შესაბამისი ფილტვისკენ მიემართება.
ზედა ღრუ ვენა ორი ძირითადი ვენიდან ერთ-ერთია. მას სხეულის ზედა ნაწილიდან ჟანგბადით ღარიბი სისხლი მიაქვს მარჯვენა წინაგულში. მას ერწყმის სხეულის ზედა ნაწილის ყველა ვენა.
ქვედა ღრუ ვენა ორი ძირითადი ვენიდან ერთ-ერთია, რომელსაც სხეულის ქვედა ნაწილისაგან ჟანგბადით ღარიბი სისხლი მიაქვს მარჯვენა წინაგულში. მას ერწყმის სხეულის ქვედა ნაწილის ყველა ვენა.
ფილტვის ვენები - ოთხი ვენაა, რომელთაც ჟანგბადით მდიდარი სისხლი მიაქვთ მარცხენა წინაგულში. ორი მარჯვენა ფილტვის ვენა გამოდის მარჯვენა ფილტვიდან, ორი მარცხენა ფილტვის ვენა კი მარცხენა ფილტვიდან.
ნახევარმთვარისებრი სარქველები - ორი სარქველია. ერთი მათგანი აორტის სარქველია, რომელიც მარცხენა პარკუჭსა და აორტას შორის მდებარეობს, მეორე კი - ფილტვის არტერიის სარქველი, რომელიც მარჯვენა პარკუჭსა და ფილტვის ღეროს შორისაა.
საერთოდ, გულის ციკლი ასე მიმდინარეობს: ჯერ ორივე წინაგული იკუმშება და გადაისვრის სისხლს შესაბამის პარკუჭებში, რომლებიც ამ დროს დუნდებიან, რათა სისხლი მიიღონ; შემდეგ წინაგულები დუნდებიან და იღებენ სისხლს, ხოლო პარკუჭები იკუმშებიან, რათა სისხლი გადაისროლონ. გულის საკნის მოდუნების ფაზა არის მისი დიასტოლის ფაზა; შეკუმშვის ფაზა სისტოლის ფაზაა. სწორედ აქედან წარმოსდგება სისტოლური (წნევის გაზომვისას ზედა მაჩვენებელი) და დიასტოლური (ქვედა მაჩვენებელი) წნევა. პარკუჭთა სისტოლის ფაზის შემდეგ დგება ხანმოკლე პაუზა, რომლის დროსაც გულის ყველა საკანი დიასტოლის (მოდუნების) ფაზაშია.
გულის კუნთი შედგება განივზოლიანი კუნთოვანი ქსოვილისგან. მისი გამუდმებული შეკუმშვები გამოწვეულია იმ ზონებიდან წამოსული სტიმულაციებით, რომლებიც ელექტრულ იმპულსებს წარმოქმნიან. ნებისმიერი ნერვული იმპულსი ან აჩქარებს, ან ანელებს გულის კუნთის მუშაობას.
ყველა, ზემოთ აღნიშნული გულის ორგანული შედგენილობა, რომ იყოს ჯანმრთელი და გულის რითმი იყოს მოწესრიგებული, საჭიროა 6-თვეში ერთხელ ჩატარებულ იქნას ფიტოთერაპიული მკურნალობა:
აიღეთ 1 ს.კ. შროშანა + 1 ს.კ. თავშავა + 1 ს.კ. მარიამსაკმელა + 1 ს.კ. ბარამბო + 1 ს.კ. ასკილი + 1 ს.კ. მინდვრის შვიტა + 1 ს.კ. მატიტელა + 1 ს.კ. ვალერიანის ძირები + 1 ს.კ. იორდანასალამი + 1 ს.კ. კუნელის ყვავილი + 1 ს.კ. კუნელის ნაყოფი + 1 ს.კ. იაპონური სოფორა + 1 ს.კ. ფურისულა, დაასხით 2 ლიტრი თეთრი ტანინიანი ღვინო, დადგით 10 დღე ბნელ გრილ ადგილზე. შემდეგ გადაწურეთ და მიიღეთ 50 გრამი 2-ჯერ დღეში ჭამიდან 30 წუთის შემდეგ, სანამ ნაყენი არ დამთავრდება.

სტატიის ავტორი:მაიკო ლომსაძე, სრული პროფესორი, დოქტორი

შენიშვნა: გირჩევთ გაიაროთ სრული დიაგნოსტიკა, რადგან არცერთი დაავადება ერთ ორგანოში არ წარმოიშვება სხვა ორგანოებში დარღვევების გარეშე. მხოლოდ კომპლექსური მკურნალობის შემთხვევაში აქვს ამ რეცეპტს დადებითი შედეგი.
გაგიჩნდათ კითხვები - მიმართეთ საიტის ფორუმს!

სტატიის ავტორი: მაიკო ლომსაძე, სრული პროფესორი, დოქტორი

სხვა სტატიები მსგავს თემაზე
ცენტრალური ნერვული სისტემა
თავის ტვინი
თვალი
ფილტვები
ღვიძლი და ნაღვლის ბუშტი
ელენთა
კუჭი
კუჭქვეშა ჯირკვალი (პანკრეასი)
ნაწლავები
თირკმელები
შარდის ბუშტი
ხერხემალი
ყური
ჰორმონები
ანტისხეულები
ჯირკვლები
საჭმლის მომნელებელი ფერმენტები
წინამდებარე ჯირკვალი

10.0 - 1 vote